2012-imiit 2018-imut ilinniartut
· 2018-imi ukiumut ilinniartut 732-usimapput. 2017-imut sanilliullugu 2 pct.-inik ikinnerupput. 2012-imullu sanilliullugu 217-inik ikinnerullutik.
· Ilinniartut 28 pct.-ii sanaartornermik sanaartorfigissaanermillu suliffeqarfinni ilinniartuupput, niuernermik suliffeqarfiit aamma pisortat allaffii kiffartuusiviilu amerlasuunik aamma ilinniartuuteqarput.
· Suliffeqarfiit niuernermik suliaqartut aamma sanaartornermik sanaartorfigissaanermillu suliaqartut sulisui ilinniarsimasut amerlassusaat eqqarsaatigalugit ilinniartoqarnerpaajupput, tassa sulisut ilinniarsimasut 100-iugaangata 22-nik aamma 21-nik ilinniartoqartaramik. Suliaqarfiit tamaasa isigissagaani agguaqatigiissillugu ukiumut 10-inik ilinniartoqartarput.
· Ukiut kingullit tallimat ingerlanerini ilinniartut ukioqqortunerulersimapput. 2012-imi ilinniartut 25-it ataallugit ukiullit 60 pct.-iusimapput. 2018-imi 42 pct.-iinnanngorsimallutik.
Nassuiaat
Ilinniartunut inissanut tunngasut kisitsisitigut paasissutissani taamaallaat inuussutissarsiornermik ilinniartut pineqarput, ilinniartunut tapisisartut kisimik pineqarlutik. Ilinniagaqarnermusisartut ilanngunneqanngillat. Tassunga tunngasunik paasisaqarnerorusukkuit immikkoortoq periaatsimut tunngasoq atuarsinnaavat.
Saqqummersitami taaguut ” ilinniartut ukiumut” atorneqarpoq. Ilinniartoq ukiumut tassaavoq ilinniartoq qaammatini 12-ini. Ilinniartoq ataaseq qaammatini 12-ini ilinniartuusinnaavoq imaluunniit ilinniartut marluk qaammatini 6-ini.
2017-imit 2018-imut ilinniartut ikiliallapput
2018-imi ukiumut ilinniartut 732-upput. 2017-imut sanilliullugu 2 pct.-inik ikinnerupput. Ilinniartut ukiumut 2012-imit 217-inik ikinnerupput. 2015-ip tungaanut ukiumut ilinniartut ikilinerpaasimapput. 2017-imi ukiup affaani kingullermi ilinniartut amerleriarneri 2017-imi ilinniartunut amerlisitsinnikooriarlutik 2018-imi ukioq tamakkerlugu ikiliallapput.
Titartagaq 1. Ilinniartut qaammatikkaarlugit amerlassusaat, 2012-2017
Najoqqutaq: Naatsorsueqqissaartarfik- kisitsisit Kisitsisaataasivimmi takuneqarsinnaapput (http://bank.stat.gl/UDNLBR).
Sanaartornermik suliaqartut aamma sanaartorfigissaanermik suliaqartut ilinniartoqarnerupput
Sanaartornermik suliaqartut aamma sanaartorfigissaanermik suliaqartut 2018-imi ilinniartut 28 pct.-iinik ilinniartuuteqarput, niuernermik suliffeqarfiit aamma pisortat allaffii kiffartuusiviilu tulliullutik. Suliaqarfiit pingasuusut taakku ilinniartut 68 pct.-iinik ukiumut ilinniartoqarput.
Niuernermik suliffeqarfinni ukiumut ilinniartut ikilinerpaasimapput, 2012-imiit 2018-imut 73-inik ikilisimagamik. 2012-imiit 2018-imut suliffeqarfimmi ilinniartui amerlinerpaajusimasut tassaapput aalisarnermik suliaqartut, piniarnermik suliaqartut aamma nunalerinermik suliaqartut, taakkunani ukiumut ilinniartut 19-inik amerlisimapput. Ukiumut ilinniartut ikilisimagaluartut aalisarnermik, piniarnermik aamma nunalerinermik suliffeqarfinni ukiumut ilinniartut amerlatsissimapput.
Tabel 1: Ukiumut ilinniartut suliffeqarfinnut immikkoortillugit, 2012, 2015 aamma 2018
|
2012 |
2015 |
2018 |
|||
|
Amerlas-susaat |
Pct.-in-ngorlugu |
Amerlas-susaat |
Pct.-in-ngorlugu |
Amerlas-susaat |
Pct.-in-ngorlugu |
Aalisarneq, piniarneq nunalerinerlu ...... |
11 |
1 |
20 |
3 |
30 |
4 |
Aatsitassarsiorneq .................. |
7 |
1 |
4 |
1 |
4 |
1 |
Suliffissuit ......................... |
15 |
2 |
13 |
2 |
9 |
1 |
Innaallagiamik imermillu pilersuineq ...... |
15 |
2 |
16 |
2 |
22 |
3 |
Sanaartorneq aamma sanaartorfigissaaneq ........ |
227 |
24 |
182 |
24 |
205 |
28 |
Niuerneq .......................... |
235 |
25 |
172 |
23 |
162 |
22 |
Akunnittarfiit neriniartarfiillu ............ |
30 |
3 |
27 |
4 |
16 |
2 |
Angallassineq/assartuineq ............ |
144 |
15 |
103 |
14 |
92 |
13 |
Inuussutissariortunut kiffartuussineq ..... |
53 |
6 |
38 |
5 |
30 |
4 |
Pisortat allaffii aamma kiffartuussinerat ... |
177 |
19 |
152 |
20 |
135 |
18 |
Kiffartuussinerit allat ................. |
37 |
4 |
29 |
4 |
27 |
4 |
Katillugit |
950 |
|
756 |
|
732 |
|
Najoqqutaq: Naatsorsueqqissaartarfik – kisitsisit kisitsisaataasivimmi takuneqarsinnaapput (http://bank.stat.gl/UDNLBR).
Ilinniartut amerlassusii – nassuiaaneq
Suliffeqarfik ilinniartuuteqassaguni suliamut tunngasunik ilinniarsimasunik ilinniartumut ilinniartiissisinnaasunik sulisoqassaaq. Suliffeqarfiit suliaat tunngavigalugit ilinniartunik tigusisartut amerlassusaat iluamik takutinniarlugu sulisut ilinniarsimasut amerlassusaat ilinniartut amerlassusaanut sanilliunneqassapput. Ilinniartut sulisut ilinniarsimasut 100-ugangata amerlassusaat naatsorsuutigineqarpoq. Ilinniartut inuussutissarsiut ilinniagaat apeqqutaatinnagu suliffeqarfiit ilinniartuutillit suliaat suunersut pineqarput. Kisitsisinik nutaanernik suli piareersimasoqannginnera pissutaalluni suliffeqarneq pillugu paasissutissat 2017-imeersut ilinniartut amerlassusaat naatsorsorneqarput.
Ilinniarlutik naammassisimasut niuernermik ilinniagaqartut amerlanerit ilinniartuuteqarput
2012-imiit 2017-imi agguaqatigiissillugu ilinniartut amerlassusaat 15-init 10-inut ikilisimapput. Ilinniartunut sanilliullugit suliffeqarfinni sulisut ilinniarsimasut amerlanerulersimapput. Taamaattumik 2012-imut sanilliullugu suliffeqarfinni ukiumut ilinniartut ikilisimaneri sulisut ilinniarsimasut ikilisimanerinik pissuteqanngilaq.
2017-imi suliffeqarfiit niuernermik suliaqartut aamma suliffeqarfiit sanaartornermik suliaqartut amerlanerpaanik ilinniartuuteqarsimapput. Taamanikkut sulisut ilinniarsimasut 100-ugaangata ilinniartut 24-usarsimapput aamma 22-usarsimapput.
Suliffeqarfinni, akunnittarfiit aamma neriniartarfiit, suliffissuit aamma inuussutissarsiortunut kiffartuussiviit allat, ukiumut ilinniartut ukiumut ilinniartut akornanni taamaallaat ukiumut 2-4 pct.-iusarsimagaluartut, 2015-imi 11-inik aamma 20-inik ilinniartuuteqarsimapput. Agguaqatigiissillugu sulisut ilinniarsimasut akornanni ilinniartuuteqarnerpaajusimapput.
Titartagaq 2. Suliaqarfiit akornanni ilinniartut amerlassusaat, 2012 aamma 2015
Nassuiaat: Ilinniartut amerlassusaat, sulisut ilinniarsimasut 100-inut ilinniartut amerlassusaat.
Najoqqutaq: Naatsorsueqqissaartarfik - nammineq naatsorsukkat (http://bank.stat.gl/UDNLBR aamma http://bank.stat.gl/ARNBFB8).
Ilinniartut ukioqqortusiartorput
2018-imi ilinniartut amerlanersaat tassa 64 pct.-ii 20-niit 29-inut ukioqarput, ikitsuinnaat 20-it ataallugit ukioqartut. 2012-imili ilinniartut ukioqqortusiartorput. 2012-imi ilinniartut 60 pct.-ii 25-it ataallugit ukioqartut 2018-imi ilinniartut 42 pct.-imut apparsimapput. Ilinniartut 25-init 34-inut ukiullit amerlinerusimapput. Tamanna ilutigalugu innuttaasut akornanni inuusuttuaqqat ikilipput, ilinniartulli ikilinerisut ikilitiginngillat.
Tabel 2. Ilinniartut ukiuinut immikkoortillugit, 2012-2018
Najoqqutaq: Naatsorsueqqissaartarfik – nammineq naatsorsukkat (http://bank.stat.gl/UDNLBR aamma http://bank.stat.gl/ARNBFB8)